Հունաստանի հանրապետությունը գտնվում է հարավարևելյան Եվրոպայում, հյուսիսում սահմանակից է Մակեդոնիային, Ալբանիային և Բուլղարիային իսկ արևելքում՝ Թուրքիային:
Ողողվում է 3 ծովերով. Էգեյան ծովով արևելքում, Հոնիական արևմուտքում, Միջերկրական հարավում:
Մայրաքաղաքը` Աթենք
Կրոնը՝ Ուղղափառ քրիստոնեություն
Հեռախոսային կոդը`+30
Արժույթ՝ Եվրո
Աշխարհամասը`Եվրոպա
Պաշտոնական լեզուն`Հունարեն
Վիզան՝ Շենգենյան
Հունաստանը Միջերկրական ավազանի հյուրընկալ անկյուններից մեկն է: Զարգացած ենթակառուցվածքներով, մեղմ ու հաճելի կլիմայով, հարուստ բնությամբ, գեղեցիկ տեսարաններով, պատմական դեպքերով, առասպելական կերպարներով ու ծովային գրավչություններով, համով-հոտով այս երկիրը ձգում է մեծ ու փոքր, ահել ու ջահել բազմաթիվ զբոսաշրջիկների: Ողողվում է երեք ծովերով՝ Էգեյան, Միջերկրական, Հոնիական, և հանդիսանում է հիանալի ուղղություն ծովի և մի քիչ ավելիի սիրահարների համար:
Ծով և լողափեր
Հունաստանի ափերը ողողվում է երեք ծովերով՝ Էգեյան, Հոնիական, Միջերկրական: Հաշվի առնելով որ երկրի կազմի մեջ մտնում են նաև հազարավոր կղզիներ, ապա հունական հանգստավայրերի ցուցակը շատ երկար է: Կոս, Կրետե, Կորֆու, Զակինտոս, Միկոնոս, Սանտորինի կղզիները, Խալկիդին, Օլիմպիական Ռիվիերան, Պելոպոնեսը, Աթենքի ջրային ափամերձ շրջանները՝ Գլիֆադա, Պալեո Ֆալիռո, Ալիմոս, Վուլիագմենի: Յուրաքանչյուր ուղղություն հետաքրքիր ընտրություն է որտես հանգստյան գոտի:
Ուտելիքը
Հունաստանից ստացած տպավորությունները արմատապես կամրապնդվեն հունական խոհանոցի համերով: Եթե հունական խոհանոց, ապա ձիթապտուղ, ֆետա պանիր, շատ կիտրոն, շատ բանջարեղեն, թարմ մսեղեն ու ձկնեղեն ու էլի շատ համեղ պատառներ: Հունական խոհանոցն առատորեն օգտագործում է տեղական մթերքներ, որոնք բարենպաստ կլիմայի շնորհիվ այդպես շռայլում է այս երկրի հողը:
Ի՞նչ ուտել Հունաստանում: Ուշադրություն դարձրեք այս ուտեստներին:
Նախուտեստ՝ ձաձիկի, կալամարակիա՝ տապակած խրթխրթան կաղամար, տիրոկաֆտերի՝ պանրային նախուտեստ կծու պղպեղով:
Աղցաններ՝ խորիատիկի կամ մեր իմացած հունական աղցան, փանձարի՝ բազուկով աղցան:
Հանգստի գոտիներ
Որտե՞ղ հանգստանալ, ի՞նչ անել:
Հունաստանը շռայլ է նաև իր հանգստյան գոտիների բազմազանությամբ: Աթենքն իր ծովափնյա շրջաններով, Պելոպոնես և Հալկիդիկի թերակղզիները, Կրետե, Կորֆու, Կոս, Հռոդոս և այլ կղզիներ հիանալի վայրեր են հիշարժան հանգստի համար:
Աթենք
Այս քաղաքը հարմար է ոչ միայն պատմական, մշակութային ժառանգության հետ ծանոթանալու համար, այլ նաև հիանալի է քաղաքային և ծովային համակցված հանգստի համար:
Պլակա
Պլական Աթենքի ամենահին հատվածն է և պատմական կենտրոնը: Նեղլիկ, ստվերոտ փողոցները միահյուսվել են՝ կազմելով մի կանաչով ու ծաղիկներով ողողված մի լաբիրինթ: Փողոցների այս ժանյակը մոլորեցնում է մարդկանց՝ տեղափոխելով դեպի հեռավոր անցյալ: Հյուրերի համար մեծ բավականություն է զբոսանքը հունական ավանդական տների միջավայրում, որն ավարտվում է որևէ կոկիկ պանդոկի սեղանի շուրջ: Բազմաթիվ հնէաբանական զոնաների մոտիկության և Ակրոպոլիսի համար Պլական անվանում են նաև աստվածների թաղամաս: Հյուրերի մեծամասնությունը քաղաքի հետ ծանոթությունը սկսում է հենց Պլակայից, քանի որ այստեղ են կենտրոնացած բազմաթիվ տեսարժան վայրեր:
Ակրոպոլիս
Հսկայական ժայռ, որի հարթ գագաթին է գտնվում անտիկ տաճարը: Հնում այն զարդարում էին հունական տաճարներն ու քանդակները: Իսկ մեզ հասել են հայտնի Պարթենոնը, Աթենաս Նիկեի և Էրեխտեյոնի տաճարները:
Անաֆիոտիկա
Աթենքի ամենաինստագրամային վայրն է: Գտնվում է Ակրոպոլիսի ստորոտին: Կառուցվել է էգեյանի ծովի Անաֆի կղզուց Աթենք եկած շինարարների կողմից:
Արեոպագոս բլուր կամ Գերագույն դատարան
Սա ամենահին դատարանն է: Այստեղ են դատել Սոկրատեսին, այստեղ քարոզել է Պողոս առաքյալը, և այստեղից բացվում է հիանալի տեսարան դեպի Ակրոպոլիս:
Ֆիլոպափու բլուր
Սոճիներով և ձիթենիներով պատված Մուսաների բլուրը ամենահարմար վայրն է գիշերային Աթենքով հիանալու համար: Քաղաքի այս հատվածում կարելի տեսնել Սուրբ Դիմիտրոս Լումբարդիարասի բյուզանդական եկեղեցին, Դորա Ստրատի պարի թատրոնը կամ պարզապես վայելել լռությունն ու Աթենքի համայնապատկերը:
Ագորա
Հնում Ագորան եղել է ոչ միայն առևտրական կենտրոն, այլ նաև քաղաքի քաղաքական, մշակութային և կրոնական կենտրոնը: Կարելի է ասել՝ այստեղ է բաբախել Աթենքի զարկերակը: Քաղաքի տարբեր անկյուններից այստեղ էր հոսում մարդկանց բազմությունը գալիս էր ոչ միայն առևտուր անելու, այլ նաև մտքեր փոխանակելու, տեղեկություններ հավաքելու, իշխանություններին քննադատելու կամ պարզապես զրուցելու համար:
Բյուզանդական եկեղեցիներ
Ագիա Դինամեսի մատուռ, որի մասին քչերը գիտեն: Կառուցվել է 16րդ դարում Հերկուլեսի տաճարի ավերակների վրա: Գտնվում է Մետրոպոլիս փողոցում:
Արեոպագոսից դեպի Անաֆիոտիկա տանող ճանապարհին է գտնվում 11 դարի Պայծառակերպության կամ Մետամորֆոսի եկեղեցին: Եկեղեցում դիմաց գտնվում է հունական ազգային արհեստների թանգարանը:
Մոնաստիրակիում է գտնվում սուրբ Նիկոլայ Ռանգավայի եկեղեցին, 11րդ դար:
Զեվսի տաճար
Օլիմպիական Զեվսի տաճարը եղել է Հունաստանի ամենամեծ սրբավայրը նվիրված հունական պանթեոնի գլխավոր աստծուն: Շինարարությունը տևել է ավելի քան 600 տարի սկսած մթա 4րդ դարից:
Ակրոպոլիսի թանգարան
Թանգարանը գտնվում է ժամանակակից շինությունուն, որը նախագծել է շվեյցարացի ճարտարապետ Բերնար Չումին: Նոր թանգարանի մակերեսը 226000մ2, ինչը տասն անգամ ավելի մեծ է քան նախորդ թանգարանի տարածքը:
Վասիլի և Էլզա Գուլանդրիսների հիմնադրամի ժամանակից արվեստի թանգարան
Այստեղ ներկայացված է 19-20դդ մի տպավորիչ հավաքածու, որտեղ տեղ են գտել են Վան Գոգի, Դե Կվիրիկոյի, Մոնեի, Էլ Գրեկոյի, Միորյին, Թուլուզ Լոտրեկի, Սեզանի, Դեգայի և այլոց աշխատանքները:
Մետրոյի ստորգետնյա թանգարաններ
Մետրոյի կայարանները իսկական անվճար թանգարաններ են: Մետրոյի կառուցման ժամանակ հայտնաբերվել են ավելի քան 50000 նմուշներ: Monastiraki, Syntagma, Thissio, Kerameikos, Akropoli, Panepistimio կայարաններում ցուցադրվում են գտածոների բնօրինակներ և կրկնօրինակներ:
Ազգային այգի
Աթենքի Ազգային այգի կամ Վասիլիկոս Կիպոս, որը հունարենից թարգմանաբար նշանակում է թագավորական այգի: Քաղաքի կենտրոնում գտնվող մի յուրօրինակ օազիս է 160000մ2 մակերեսով, ծածկված ամբողջ աշխարհից այստեղ բերված ծաղիկներով, բույսերով ու ծառերով: Կարելի երկար զբոսներ ծառապատ արահետներով, լսել թռչունների երգեցողությունը, հանգստանալ ծառերի ստվերում, այցելել բուսաբանական թանգարան:
Պանատինակիոս կամ մարմարե մարզադաշտ
Վերակառուցվել է 19րդ դարում սպիտակամարմար Պանատինակիոս մարզադաշտի փոխարեն: Ընդունել է 1896 թվականի օլիմպիական խաղերը՝ սկիզբ դնելով նոր ժամանակների օլիմպիական շարժմանը: Մարզադաշտը կարող է ընդունել 80000 հանդիսատես:
Աթենքը երեխաների համար
Երեխաների համար
Աթենքում իրենց համար հետաքրքությունները կգտնեն նաև երեխաները:
Հունական աշխարհ (Hellenic Cosmos)
Գիտաճանաչողական կոմպլեքս է, որտեղ Հունաստանը այցելուներին է ներկայանում յուրօինակ ձևով՝ ինտերակտիվ ցուցադրություններ, տուր դեպի վիրտուալ իրականություն և թատերական ներկայացումներ, որոնք կպատմեն հին և այսօրվա հույների կյանքի, Հունաստանի կարևոր տեսարժան վայրերի մասին:
Իլյուզաների թանգարան
Խորասուզվեք տեսողական խաբկանքի և իլյուզաների խենթացնող աշխարհ: Ուղեղը խաբող խաղեր և ցուցանմուշներ: Տպավորիչ հոլոգրամների հավաքածու, որտեղ այցելուն կարող է ուսումնասիրել ցանկացած տեսողական խաբկանք:
Attika Zoo park
Ատիկայի կենդանաբանական այգին զբաղեցնում է 200հա տարածք: Այստեղ ապրում են 350 կենդանատեսակի 2000ից ավելի կենդանիներ՝ կապիկներ, կատվազգիներ, սողուններ, թռչուններ:
Allou Fan Park
Երկրի ամենամեծ ժամանցի այգին է, որն իր շոուներով ու ատրակցիոններով դուր կգա բոլորին:
Շոփինգ Աթենքում
Ճամանապարհորդության ժամանակ հաճելի է նաև ժանամակ, որն անց է կացվում հյուրընկալող երկրի առևտրի համար նախատեսված վայրերում: Աթենքում գտնվելու ժամանակ, կարելի է կենտրոնանալ այս վայրերի համար և հաճելի ձեռքբերումներ կատարելու և լավ ժամանակ անցկացնելու համար:
Էրմու փողոց
Այստեղ գտնվում են հագուստի, կոշիկի, օծանելիքի, խնամքի միջոցների, կահկարասու, սպորտային պարագաների բազմաթիվ հայտնի խանութններ:
Վուկուրուստիու փողոց
Այստեղ կենտրոնացած են լյուքս կարգի բրենդերը:
ATTICA Center
Եվրոպայի ամենամեծ կենտրոններից մեկն է: Գտնվում է Աթենքի կենտրոնում:
Պլակա՝ Աթենքի պատմական կենտրոն
Այստեղ կարելի է ձեռք բերել ավանդական և ժամանակակից հուշանվերներ, արհեստագործական իրեր:
Երաշխավորված հյուրանոցներ Աթենքում
Pallas Athena Grecotel 5*
Electra Palace hotel 5*
Divani Palace Acropolis 5*
Airotel Parthenon 4*
The Athenian Callirhoe Exclusive hotel 4*
Acropolian Spirit hotel 4*
360 Degrees hotel 3*
Best Western Amazon hotel 3*
Achilleas hotel 3*
Plaka hotel 3*
Պալեո Ֆալիռո, Ալիմոս
Ալիմոսն ունի հիանալի ավազե լողափեր: Այստեղ կա գեղեցիկ զբոսայգի, որտեղ երեխաների համար գործում են խաղահրապարակներ, ատրակցիոններ, հեծանիվների համար նախատեսված առանձին ճանապարհներ:
Արևմտյան հատվածում գտնվում է նավահանգիստը, որտեղից էլ սկսվում են էգեյան ծովով բազմաթիվ ճանապարհորդություներ:
Երաշխավորված հյուրանոցներ Ալիմոսում
Coral Hotel 4*
Blue Sea hotel 4*
Poseidon hotel 3*
Galaxy Hotel Athens 3*
Գլիֆադա
Աթենքի արվարձաններից է Սարոնյան ծոցի ափին: 40 րոպե և դուք կրկին Աթենքի կենտրոնում եք: Քաղաքի արևմտյան հատվածը հարում է Սարոնյան ծոցին, հարավում գտնվում են Վարի և Վուլա քաղաքները: Հիանալի վայր է գիշերային ակտիվ ժամանցի սիրահար երիտասարդների համար:
Երաշխավորված հյուրանոցներ Գլիֆադայում
Bomo Palace Hotel 4*
Palmyra Beach Hotel 4*
Congo Palace Hotel 4*
Emmantina Hotel 4*
Fenix Hotel 4*
London Hotel 3*
Four Seasons Glyfada 3*
Oasis Hotel Apartments
Ինպե՞ս ստանալ Հունաստանի վիզա
ՀՀ քաղաքացինը կարող են ստանալ Հունաստանի վիզա՝ դիմելով Հունաստանի վիզային կենտրոն:
Անհրաժեշտ փաստաթղթեր
- ամբողջական լրացված և ստորագրված վիզայի դիմումի ձև
- 2 գունավոր լուսանկար 3.5x4սմ չափսի
- անձնագիր, որը վավեր է Հայաստան վերադառնալու ամսաթվից սկսած առնվազն 6 ամիս, ունի 2 դատարկ էջ, տրվել է վերջին 10 տարվա ընթացքու
- անձնագրի նույնականացման էջի 1 պատճեն և վիզաներ պարունակող բոլոր էջերի մեկական պատճեն
- բժշկական ապահովագրություն Շենգենյան երկրներում գործող, առնվազն 30000 եվրո բժշկական ծախսերի ծածկույթով
- օդանավաի տոմսի ամրագրում
- կեցության վայրի մասին ապացույց, օրինակ հյուրանոցի ամրագրում
- տեղեկանք աշխատանքի վայրից պաշտոնի և աշխատավարձի նշումով,
- բանկային հաշվի քաղվածք վերջին 3 ամիսների համար
- գույքի (մեքենա, բնակարան և այլ անշարժ գույք) սեփականության մասին ապացույց
- թոշակառուի գրքույկ, եթե առկա է
- ուսանողների համար. տեղեկանք ուսման վայրից
- այլ փաստաթղթեր ըստ րավիճակի անհրաժեշտության
- վիզայի վճար՝ 35 եվրո, կարճաժամկետ Շենգեն վիզա (C տեսակի): Նշված վճարը յուրաքանչյուր դիմումի համար գանձվում է կանխիկ ՀՀ դրամին համարժեք գումարի չափով
- միայն ՀՀ թոշակառուներ՝ անվճար
- 12 տարեկանից ցածր տարիք ունեցող երեխաներ՝ անվճար
- վիզա կենտրոնի ծառայության վճար՝ 20 եվրոյին համարժեք դրամ
- 12 տարեկանից ցածր տարիք ունեցող երեխաների համար՝ 10 եվրոյին համարժեք դրամ
- 1ին և 2րդ կարգի հաշմանդամություն ունեցող և նրանց ուղեկցող անձինք՝ ազատվում են ծառայության վճարից
առցանց հարցում